မြက်ရိုင်းထဲတွင်
ထိုင်ဆဲ မလှုပ်၊ “ဆန်း” ကြေးရုပ်။
သမိုင်းများစွာ ဖြတ်သန်းလာတော့
“ငါ” တွေ မြက်ရိုင်း၊ နေရာတိုင်းမို့
သမိုင်းပြယုဂ်၊ ဆန်း ကြေးရုပ်ကို
ကျွန်ုပ်တို့ မေ့ခဲ့ကြပြီ။
ဆန်း ၏ လမ်းစဉ်၊ တို့ မမြင်တော့။
ကျေးဇူးရှင်မှန်း၊ မသိစွမ်းတော့။
ဆန်း ၏ ဂုဏ်ပုဒ်၊ ဆန်း ၏ ရုပ်ကား
တိမ်မြုပ်ခဲ့ပြီ၊ အတိတ်ဆီ..။
ဗိုလ်ချုပ်အောင်ဆန်း၊ ခင်းသောလမ်းကား
လွမ်းစရာပင်၊ အလှမ်းကွာ ခဲ့ပြီ။
ဗိုလ်ချုပ်လက်တွင်၊ စာရွက်လိပ်ထား
ကြေးဝါပြားကို၊ ရောင်းစားဖို့ရာ
ခွာခဲ့ရှာပေါ့၊ လက်မှာ စာရွက်မဲ့ခဲ့ပြီ။
ဗိုလ်ချုပ် ဟောရ၊ မောရ
သောက အများ၊ ဟောပါ့ တရား
ကျောက မကြား ဖြစ်ခဲ့ပြီ။
လွတ်လပ်ရေးကို၊ သွေးနှင့်ရင်း၍
အပ်နှင်းခဲ့ရ၊ သူ့ဘ၀ကို
မြေချ သဂြိုဟ် ခဲ့ကြပြီ။
သမိုင်းနာလဲ၊ နာမှန်း မသိ
တို့ မထိ တော့..။
တို့၏ ကိုယ်ကျိုး၊ တို့ ထုပ်ပိုးဖို့
အမျိုးသားရေး၊ တို့ မတွေးအား။
အရေးတော်ပုံ၊ တို့ မဖြုံအား
တို့ ယုံသည်ကား၊ တို့ ကောင်းစားဖို့။
အများအရေး၊ တို့ မတွေးအား
ကိုယ်ရေး ကြည့်ကာ၊ တို့ လိမ်မာဖို့
အရာရာတွင် ကိုယ်ကျိုးမြင်ကာ
မီးစင် ကြည့်၍၊ က တတ်ဖို့။
ဗိုလ်ချုပ် ကြေးရုပ်၊ မြက်ရိုင်းအုပ်လဲ
မခုတ်တော့ဘဲ၊ မျက်နှာလွှဲပြီ
နေမြဲနေကြပါစေတော့။ ။
(၁၉၉၅)ဆရာတင်မိုး၏ ကဗျာကို
၆၃ ကြိမ်မြောက် အာဇာနည်နေ့
အမှတ်တရ ပြန်လည်တင်ပြပါသည်။
. ဓမ္မဝေဒဂူ
No comments:
Post a Comment